Val Gleris

Un cjanton preziôs de mont furlane, là che il spetacul di Mari Nature si font cu la passion dal grup sportîf “Val Gleris”, che al met a disposizion la sô professionalitât par principiants e par esperts.
 
Di Invier, la “Casa del fondo”, e da la pussibilitât di cjoli a nauli schîs, gjaspis e slitins di doprâ intes pistis dedicadis, o prenotâ lezions di schi par imparâ une gnove dissipline. L'Istât al è dedicât aes escursions e ae bici di mont.
Di chi si pues partî par lungjis cjaminadis intai boscs, rivant fin devant des maraveosis Siet Pichis, lis pontis des monts che a fasin di confin ae val.
 
Acessibil dut l'an. Si consee di verificâ i oraris di viertidure.

Colegaments utii: Gruppo sportivo Val Gleris